36.
کاش میں تـیـرے حَســــیں ہاتھ کا کـــــنـگن ہوتــا

تُو بڑے پیار سے, چاؤ سے, بڑے مان کے ساتھ

اپنی نازک  سی  کلائــی  پہ  چڑھـــــاتی مجھ  کو

اور بے تـابی سے فــرقت کے  خزاں لمحوں میں

تو  کسی  سوچ  میں  ڈوبی  جو  گھــماتی مجھ کو

میں تیـرے ہاتھ کی خُــوشــبو سے مہک ســا جاتا

جب کــبھی مـــوڈ میں آکـــر مجھے چــوما کـرتی

تیرے ہونٹوں کـی مَیں حِد٘ت سے بہــک ســا جـاتا

رات کـو جب بھی تو نیـندوں کـے ســفر پر جاتی

مـــرمـــریں  ہاتھ  کا  اِک  تکیہ     بـنایا  کــرتـی

مَیں  تیرے  کان  سے  لگ  کر  کئی  باتیں  کرتا

تیری  زُلفوں  کو   ترے گال کو   چــومـــا کــرتا

جـب بھـی تو     بندِ قــبا کھــولنــے لگتـی جــاناں

اپنی  آنکھوں  کو  ترے  حُـسن  سے  خیرہ  کرتا

مجھ  کو  بیتاب  ســا  رکھتا  تـری  چاہت  کا  نشہ

مَیں  تِــری  روح  کـے  گُلشن  میں  مہـــکتا  رہتا

میں  تــرے  جـسم  کے  آنگن  میں کھنـــکتا  رہتا

کــچھ  نہیں  تو  یہ  ہی  بے  نام  سا  بنـدھن  ہوتا

کاش  میں  تـــرے  حسِــیں  ہاتھ  کا  کنـگن  ہوتا

(وصی شاہ)